Ученици и наставници од нашето училиште успешно реализираа две мобилности во рамки на проектот Еразмус+, заедно со партнери од Полска (Краков) и Турција.

Прва мобилност – Полска, мај 2025

Нашиот тим беше дел од бројни едукативни и еколошки активности во училиштето во градот Скала:

експерименти по хемија и биологија за јаглероден отпечаток,

изработка на еко-лик „херој на отпечатокот“,

посета на фабрика за рециклирање и национален парк,

културна тура низ Краков и замокот Pieskowa Skala.

Учениците и наставниците ги споделија своите искуства, учеа едни од други и ја претставија Македонија со гордост и насмевки.

Втора мобилност – Македонија, 29.09–03.10.2025

Нашето училиште беше домаќин на партнерите од Полска и Турција под темата „Вистината е во сенката на зеленото“.

Неделата беше исполнета со активности што го спојуваат учењето, истражувањето и креативноста:

драматизација на тема „Пчелките“,

работилници за плодноста на почвата и одржливо земјоделство,

театарски игри и импровизации со еколошки пораки,

теренско истражување во манастир Св. Никита и активности во природа,

прошетка низ Старата турска чаршија во Скопје

изработка на мини-проекти „Пријателски настроени кон почвата“,

завршна церемонија со доделување сертификати и благодарници.

Еразмус+ уште еднаш докажа дека учењето преку искуство, култура и пријателство остава највредни траги кај младите генерации.